Despues di e competencia di CISC diaranzon anochi tur cu tabata envolvi den e magno evento deportivo aki a reuni na Parke Arawa, unda AZB e haci entrega di e premionan den tur tres disciplina.
Prome tur presente por a disfruta di un dushi plato, prepara pa Chef Kelly. Despues a bai over na anuncia e ganadornan di e high point trophies individual y e resultadonan pa cada pais den e disciplina.
LANDAMENTO OVERALL E ganadornan den cada categoria di edad a bira: Den girls 11-12 aña, Margaret Hines di Bahamas Den boys 11-12 aña, Jesse Washington di Bermuda Den girls 13-14 aña, Sariyah Sherry di Barbados Den boys 13-14 aña, Jabari Baptiste di Trinidad and Tobago Den girls 15-17 aña, tabata tin un empate entre Daniella van den Berg di Aruba y Kimberly Williams di Trinidad and Tobago Den boys 15-17 aña, Jordy Groters di Aruba Den 18 and over Girls, Ashley Bransford di Aruba Den 18 and over Boys, Radhames Kalaff di Sto Domingo
Pa loke ta e premionan pa equipo den e disciplina di landamento nos ta haya, e pais di Puerto Rico a keda na di tercer lugar, Trinidad and Tobago na di dos lugar y Aruba na di prome lugar.
OPEN WATER OVERALL Aruba ta logra dos medaya di Plata pa medio di Wendy Kock-Croes den e categoria Female 18 & older, mientras Dillon Willems tambe ta logra medaya di Plata den e categoria Male 18 & older Den e team scores 18 & older Male, Aruba a logra e prome lugar cu Dillon Willems, Jan Roodzant y Johnny Cheng. Pa loke ta e trofeo maximo den e Overall Standing, e pais di Sto Domingo a keda na di prome lugar y Aruba na di dos lugar.
SYNCHRO OVERALL Den landamento sincroniza nos ta haya cu e premio individual den 12 anja y menos a bai pa Abigail de Veer (Aruba) cu 48 punto y den 13-15 anja esaki a bai pa Kyra Hoevertsz (Aruba) cu 156 punto. Den overall e puntuacion final a keda como lo siguiente: 1. Aruba (457 punto) 2. DOM (127 punto) 3. AHO (76 punto) 4. JAM (74 punto
CAMPEON CISC 2012 Pa loke ta e premio pa e ganador absoluto den tur tres disciplina hunto, esaki mas cu claro pa bai pa Aruba. Mester bisa cu tur hende tabata super contento cu e logro aki, pa prome biaha Aruba a logra un titulo regional den landamento, anto e mas dushi den propio cas. E organisadornan tabata sumamente satisfecho con e evento a bai. Nos bishitantenan for di exterior a elogia e organisacion, hasta a ser pidi pa Aruba host e evento di CISC kizas ya aki dos aña. Un palabra di pabien sigur na tur cu awe a haci e deportenan di landamento y landamento sincroniza grandi na Aruba.
